اليوم هو الأحد أكتوبر 22, 2017 6:47 am

جميع الأوقات تستخدم GMT + ساعتين


قوانين المنتدى


رجاء من جميع الاعضاء الالتزام بالحد الاقصي للمواضيع الجديده وهي 3 مواضيع ولا يوجد حد اقصي للمشاركات
راجع هذا الموضوع لمزيد من التفاصيل http://stabraammonastery.com/sabraam/vi ... 33&t=23952



إرسال موضوع جديد الرد على الموضوع  [ 13 مشاركة ] 
الكاتب رسالة
 عنوان المشاركة: على هامش المؤتمر - لقائنا مع نيافة الأنبا رافائيل
مشاركةمرسل: الأحد أكتوبر 01, 2006 8:03 pm 
غير متصل
أولاد الأنبـا أبـرام
اشترك في: الاثنين مايو 22, 2006 1:09 am
مشاركات: 2967
صورة


سلام جميعا ونأسف للتأخير بس غالبا انتوا نسيتوا الموضوع بس كنا عايزين نشوف اهتمام اكتر من كدا
المهم
لقائنا كان اخر يوم ف المؤتمر وتحديدا الأربعاء بليل بعد انتهاء المحاضرات وكان يوم الخميس هيكون الختام
ولما عرضنا على نيافة الأنبا أبرام واستئذنا قال اسئلوا نيافة الأنبا رافائيل لو وافق اتفضلوا
ونيافة الأنبا رافائيل مشكورا رحب جد بس كان مستعجل شوية علشان كان فيه تسبحة
بعدها فاخدنا حوالى 20 دقيقة او 25 تقريبا

كان حوالى الموجودين 13 او 14 منهم 10 من المشتركين واصدقاء المنتدى هنا
وقعدنا مع نيافته فى مقر المطرانية فوق طبعا ونيافته تقريبا ماخدش العشا بسببنا

فى الكلام اللى جاى هنحاول وهحاول اقول اللى اقدر اوصله وفيه حاجات هتكون مختصرة
وحاجات بالحرف قالها سيدنا علشان مانطولش عليكم فى القراية والكلام
نبدأ :
اول مقعدنا طبعا قولنا رحبنا بسيدنا وشكرناه على قبول الدعوة المفاجأة لأنها مكنتش مترتبة ولا كنا مرتبين لها هيا جات كدا وقولناله اننا فوجئنا باسم الأنبا رافائيل مشترك ومسجل وطبعا كان منور المنتدى بس احنا استغربنا وشكينا انه ممكن يكون حد بيهزر يعنى واتأكدنا فقال نيافته
انه عرف الموقع من الدير شاف الاعلان ودخل عليه ايام المهرجان وكان بيتابع
+ سألنا نيافته ما رأى نيافتكم فى موقع ومنتدى الأنبا أبرام ؟
- رد نيافته وقال انه ممتاز جدا وانا قولت لشباب كتير لما كانو بيٍسألوا قولتلهم ادخلوا شوفو منتدى الأنبا أبرام
وعندما سألنا نيافته على اى ملاحظات او اقتراحات قال يفضل يكون موجود جوا المنتدى اعلانات للمواقع التانية بحيث ان الشباب
وتكون فرصة تعارف للجميع
واكمل نيافته قائلا احيانا احنا بنتهم بأن كنيستنا نعسانة وكسلانة برغم كل النشاط اللى بيتعمل
وزى ماسمعتوا وشفتوا ف المؤتمر ان فى منشورات وcds موجودة ومنتشرة فى مصر بتقول ان الكنيسة والاقباط ف مصر متخيلين انهم
قريبين من الخلاص بينما هم ابعد مايكون عن الخلاص
والكلام دا بيرددوا بعض شبابنا للأسف بقولهم ان الكنيسة تعبانة او كسلانة ولما نعملهم انشطة يقول دى مجرد نشاطات جوفاء ويتهمونا ان لا فيه
روحانية ولا فيه خلاص كما ان التيار الخمسينى البروتساتنى يعتمد على الفكرة الانتعاشية بمعنى الترانيم الهايصة والعواطف ومشاعر ومعجزات
والتكلم بالسنة ويخدعوا الناس السطحية البسيطة اللى مابتفكرش ومابتقراش فيظنوا ان دى الكنيسة النشيطة وكنيستنا احنا دبلانة
وانا وانتوا كشباب جوا الكنيسة لما نسمع الاشاعات اللى ذى دى نفسنا تصغر ونحس فعلا ان ماينفعش انتمى لكنيسة كسلانة زى دى

لكن طبعا هو مش كدا احنا كنيسة نشيطة وفيها روحانية وعندنا قديسين وناس تعرف ربنا وفي شغل حلو شبابى وناس كبار وصغيرين واطفال
ومؤتمرات ومهرجانات وانشطة ونظهرلهم شغل الكنيسة بتاعتنا وليس الهدف النهائى هو الانشطة نفسها او دعاية لكنيستنا انما الهدف ان الناس تتشجع
وتتخدم اوتستفيد بنشاطات الكنيسة ومافيها من خدمات "
وقال نيافته ايضا مثلا انهاردة انا كنت متغاظ ف المؤتمر لأن بعد كل اللى اتقال والمجهود المبذول تلاقى واحد باعت سؤال يقولك
هل المسيح أرثوذكسى ؟؟!!!

يعنى واحد بيطفى كل اللى عملتوا , وطبعا هو سؤال تهكمى يعنى عايز يقول انتوا تاعبين نفسكم ليه هو المسيح كان ارثوذكسى.
يكمل نيافته باستغراب شديد بعد كل اللى اتقال وآيات وشواهد ودراسات وكتب لناس دارسة والناس اللى قعدة المفروض انها دارسة بردو
تلاقى واحد يطلعلك يقول يعنى المسيح كان ارثوذكسى !!!
"ولا كأنه سمع - كأنه طول المؤتمر حاطط ايديه على ودانه " - يضحك نيافة الأنبا رافائيل باستنكار وتعجب لما افتكر السؤال ويكمل
قائلا "وكأنه ولا هو هنا "

وعدنا سألنا نيافته على المهرجان وان كان فيه ناس خارج مصر بتابع المهرجان من جوا المنتدى والمواقع اللى كانت بتغطى المهرجان
فقال نيافته ان السنة دى كانت اول مرة يشترك فيها معانا السودان وياريت باقى المهجر وانتوا غطيتوا الجزء الخاص بيكم فى الفيوم
ولما روحت نقادة قولتلهم ان شباب اللى ف الفيوم كانوا مغطيين كل احداث المهرجان على الموقع بتاعهم وانتو لازم يكون ليكم
حاجة زى كدا
وقال نيافته ان الموقع بتاع المهرجان نفسه مكنش لاحق يغطى زى مانتوا كنتوا بتعملوا
وأشاد نيافته بالصور خصوصا وبالناس اللى كان ليه فن وذوق ف الصورة وبتجيب مثلا التجمعات والصورة تكون وتحس ان فيها حركة
مش اى صورة او واحد يصوا ناس وقدامهم واحد واقف مغطى عليهم بظهره

وسؤل ايضا نيافته سؤال عن ان فى ناس بتقول ليه الهزات الطويلة ف الالحان وليه التراتيل متكونش كلمات بس من غير تطويل ؟

اجاب نيافته بالحرف قائلا " ممكن اجاوب حتى بعيد عن الناحية الدينية زى مثلا لما اسأل مغنى واقوله انت ليه بتغنى ؟ ويبتسم نيافته ويكرر
الكلام وضرب نيافته مثلا ان الاشعار الطويلة اللى كانت بتقولها ام كلثوم للشعراء الكبار زى احمد رامى مثلا لو سألناها ف الوقت ده
انتى ليه بتقوليها بلحن بمعنى انتى ليه بتغنى اصلا ؟ بقت مجرد كلمات
ويرجع نيافته ليجيب على السؤال بصورة اعمق قائلا " اذا انا صليت بدون اللحن وبدون النغم وبدون الهزات هيبقا مجرد كلمات متاخدش
وقت زى ماقول هلليويا كدا وخلاص
لكن مثلا هللويا ممكن تاخد لها فى لحن زى بيك اثرونوس حوالى 5 دقايق لوحدها فهى رقم 1 موسيقى ومسيقى دينية مش اى موسيقى علمانية
وخلاص والموسيقى الدينية تهذب النفس وتنقل مشاعر ولا يمل منها ابدا وتدى استطالة فى الوقت اللى بقف فيه ادام ربنا بدل مادخل
اقرا مزمور دمج ف قيقة لأ انا بقراه بقا بمزاج وبلحن وموسيقا واستمتع بيه واللى بيسأل السؤال ده معناه انه مش متذوق الفن
واجاب نيافته سؤالا اخر عن امكان مثلا استبدال الالحان بالترانيم علشان الناس متزهقش وخصوصا ف يوم زى الجمعة العظيمة
فرد نيافته وقال بمعنى ان حتى الناس الى رافضين للحن لا يمكن ان يقبلوا حاجة زى دى ف يوم الجمعة العظيمة ومرة حصلت كدا من اب كاهن
فكانت النتيجة ان الناس ف الكنيسة سابوا الكنيسة وراحوا كنيسة تانية فالناس نفسها مش هتقبل
يعنى بدل خورس الشمامسة مثلا اجيب كورال وبدل الالحان نقول ترانيم !!!!
نلاحظ كلنا ان الجمعة العظيمة هو اطول الايام اللى بيكون فيها الحان واكتر يوم فيه لغة قبطية ومجهود ضخم وقرايات وبيجى دايما فى الحر والناس صايمة
ومع ذلك كل الناس تصر انها تحضره والكنايس بتكون ملاينة علشان روحانية اليوم بالحانه وقراياته فمش ممكن واحد كنسى يطيق انه يعدى
عليه الجمعة العظيمة من غير مايحضرها ... مش ممكن
فانتوا نفسكم محتاجين ده وحابين اللحن والالحان


وعودنا مرة تانية لنسأل نيافته بخصوص المنتدى وكان السؤال بيقول هل يصح اننا نزل افلام قديسين وعظات وقداسات وCds
بشكل مجانى على الموقع بحيث تكون متاحة لكل الناس ببلاش لأننا سمعنا ان ده حرام وميصحش لأن الناس اصحابها ومنتجين الافلام دى بتكون ليها حقوق بيع وشرا ؟



التكلمة ف الجزء التانى من الحوار
انتظروا قريبااااا مع مفاجأة صغيرة ...

_________________
Let others Climb Evrest and you choose your own hills to climb
++

صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 01, 2006 8:14 pm 
غير متصل
عضو ذهـــبي
عضو ذهـــبي
اشترك في: الأربعاء سبتمبر 20, 2006 7:50 am
مشاركات: 3535
ألف شكر على تعبك يا أستاذ Rimon فى كتابة الحوار ده كله.
واضح إن الكتابة أخدت مجهود كبير.
بس هو ماحدش سجل الحوار ده مع نيافة الأنبا رافائيل؟!
يعنى على أساس إن الحوار كان مفاجأة بالنسبة له، بس مش بالنسبة لكم.

بالنسبة للسؤال اللى إتوجه لنيافة الأنبا رافائيل:

اقتباس:
وعدنا سألنا نيافته على المهرجان وان كان فيه ناس خارج مصر بتابع المهرجان من جوا المنتدى والمواقع اللى كانت بتغطى المهرجان

إسمح لى أقول لحضرتك إنى قمت بتحميل جميع مؤتمرات العقيدة الأرثوذوكسية من سنة 2000 و هى موجودة على موقع العقيدة الأرثوذوكسية متضمنة جميع محاضرات مؤتمر العقيدة الأرثوذوكسية السنة دى. و قمت باستئذان كاهن كنيستنا فى كندا و طبعت كمية كبيرة جداً من الـCDs و وزعتها على شعب الكنيسة هنا علشان كلهم يتابعوا مؤتمراتنا. و لولا مجهود حضراتكم فى رفع جميع المحاضرات على الانترنت كانت حتنفصل كنائس المهجر عن الكنيسة الأم فى هذا المؤتمر.

يا ريت الكلام ده يوصل لنيافة الأنبا أبرآم و عن طريق نيافته لجميع الآباء الأساقفة مع شكرنا جميعاً بصفة خاصة من كنيسة مار مينا بكالجارى فى كندا لهذا المجهود الضخم المبذول فى المؤتمر، و إننا جميعاً إستفدنا من رفع المحاضرات سواء على موقع الأنبا أبرآم أو موقع العقيدة الأرثوذوكسية. و يا ريت الكل يعرف قد إيه خدمة إذاعة المؤتمر على الانترنت أفادت الكثيرين فى كنائس المهجر و أبقت على كنيستنا موحدة فى إيمان واحد.

_________________
إصحوا و إسهروا لأن إبليس خصمكم كأسد زائر يجول ملتمساً من يبتلعه هو. (1 بط 5 : 8 )
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 01, 2006 8:20 pm 
غير متصل
أولاد الأنبـا أبـرام
اشترك في: الاثنين مايو 22, 2006 1:09 am
مشاركات: 2967
المحاضرات دى كلها موجودة كمان على موقع الدير فى قسم المؤتمرات

لكن الكلام اللى حضرتك مقتبسه لسيدنا كان على المهرجان
مش المؤتمر
والكلام هيوصل ان شاء الله لنيافة الأنبا أبرام ..
شكرا
سلام

_________________
Let others Climb Evrest and you choose your own hills to climb
++

صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 01, 2006 8:25 pm 
غير متصل
عضو ذهـــبي
عضو ذهـــبي
اشترك في: الأربعاء سبتمبر 20, 2006 7:50 am
مشاركات: 3535
بغض النظر عن المهرجان أو المؤتمرات السابقة لأن فيه بعض المتشككين من جدوى خدمة الانترنت فحبيت يوصل لهم عن طريق قيادات الكنيسة اللى سمحت بإذاعة سواء المهرجان أو المؤتمر و رفع محاضراته على شبكة الانترنت إنهم عملوا فعلاً ما يجب فعله بإرشاد من الروح القدس و إنهم أبقوا على وحدانية الكنيسة بهذه الطريقة.

شكراً على التوضيح.

_________________
إصحوا و إسهروا لأن إبليس خصمكم كأسد زائر يجول ملتمساً من يبتلعه هو. (1 بط 5 : 8 )
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 01, 2006 9:44 pm 
غير متصل
عضو ذهـــبي
عضو ذهـــبي
اشترك في: الخميس يونيو 08, 2006 7:09 pm
مشاركات: 12422
مكان: Austria
شكرا ياريمون دائما على مجهودك الرائع فى اظهار الحديث
مع الانبا روفائيل - الحقيقة ياريمون انت بتتعب كثيرا من اجل
خدمة المنتدى واظهار كل شىء كويس وجيد .. الحقيقة
ان المسيح اكيد سيباركك ويمحنك البركة دائما فى حياتك .
ربنا يعوض تعب خدمتك .
زيزى

_________________
Sissy gaisberger
ازهد فى الدنيا يحبك الرب ,
وازهد فيما بين ايدى الناس يحبك الناس ,
من عدا وراء الكرامة هربت منه ,
ومن هرب منها بمعرفة جرت وراءه وارشدت عليه الناس
القديس ماراسحق


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 01, 2006 11:09 pm 
غير متصل
عضو ذهـــبي
عضو ذهـــبي
اشترك في: الثلاثاء مايو 30, 2006 12:58 pm
مشاركات: 10404
مكان: EL FAYOUM
انا عاوزة اسال بعد اذنكم عن نيافة الانبا رفائيل هو مفين من مدة؟
ونفسنا لان ظروفنا لم تسعفنا لمتابعة المؤتمر وهذه اللقاءات اللى على هامش المؤتمر بسبب ظروفنا
نتمنى عند زيارة نيافته للفيوم مرة اخرى اننا نعرف قبلها لنستطيع المتابعة
وشكرا يا ريمون فعلا على هذا المجهود الرائع

_________________
صورة

Hidimicheal


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 02, 2006 12:19 am 
غير متصل
عضو جديد
عضو جديد
اشترك في: الاثنين سبتمبر 18, 2006 11:39 pm
مشاركات: 44
مكان: البيت
شكرا على تعبكم

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 02, 2006 9:42 am 
غير متصل
عضو نشيط
عضو نشيط
اشترك في: الخميس أغسطس 17, 2006 10:46 am
مشاركات: 614
[shadow=orange]ايه ياريمون انت هاتجزء الموضوع :? :cry:

كمل لو سمحت وياريت لو اللقاء موجود بالصوت هايكون افضل

بس بجد ربنا يعوضك انت تعبت اوي ياريت بقه ماتقعدش سنة عقبال ماتكمل الباقي
[/shadow]

_________________
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الاثنين أكتوبر 02, 2006 6:55 pm 
غير متصل
عضو ذهـــبي
عضو ذهـــبي
اشترك في: الأربعاء سبتمبر 20, 2006 7:50 am
مشاركات: 3535
و أنا مع تي اجيا دمياني فى حكاية تجزئ الموضوع.
لو سمحت تكمل الموضوع فى نفس الموضوع ده علشان التشتت.
مش لازم الواحد يقعد يتنطط من موضوع للتانى.
و شكراً لتعبك.

_________________
إصحوا و إسهروا لأن إبليس خصمكم كأسد زائر يجول ملتمساً من يبتلعه هو. (1 بط 5 : 8 )
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 03, 2006 12:04 am 
غير متصل
عضو جديد
عضو جديد
اشترك في: السبت يوليو 22, 2006 5:07 pm
مشاركات: 18
thank you so much for giving us the speech of bishop Rofaeel at the end of the meeting. we really wish we were their too.
I was following up with you all the theological conference .
great job....and great effort


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 03, 2006 1:10 pm 
غير متصل
خـــادم الانبا ابرام
خـــادم الانبا ابرام
اشترك في: الجمعة يوليو 14, 2006 5:24 pm
مشاركات: 312
رائع وأتمنى تكميل هذا الحوار وكنت أتمنى اني أتبلغ بالحوار يمكن كنت أقدر أقعد وأسمع الكلام ده لكن ياريمون إلحق وكمل الحوار بدل مازعل منك وشكرا

_________________
مادام لكم النور آمنوا بالنور لتصيروا أبناء النور


أعلى
 يشاهد الملف الشخصي  
 
 عنوان المشاركة:
مشاركةمرسل: الثلاثاء أكتوبر 03, 2006 3:52 pm 
غير متصل
عضو نشيط
عضو نشيط
اشترك في: السبت يونيو 03, 2006 11:47 am
مشاركات: 279
بجد ياريمون الموضوع رائع معلش احنا بنتقل عليك بس يا ريت متتاخرش علينا عايزين نعرف باقى الموضوع

_________________
لا تخف ايها القطيع الصغير
صورة
صورة


أعلى
 يشاهد الملف الشخصي  
 
 عنوان المشاركة:
مشاركةمرسل: الأحد أكتوبر 08, 2006 10:14 am 
غير متصل
عضو ذهـــبي
عضو ذهـــبي
اشترك في: السبت أكتوبر 07, 2006 9:55 am
مشاركات: 4661
الحوار كان حلو خالص
((تلاقى واحد باعت سؤال يقولك هل المسيح أرثوذكسى ؟؟!!! ))انا مستغربة خالص هل فعلا فى ناس كدة
ربنا يفتح عقولهم امين
مستنين المفاجاة يا ريمون ربنا يعوضك تعب خدمتك


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 13 مشاركة ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

الانتقال الى:  
cron