اليوم هو الأحد يوليو 23, 2017 6:56 pm

جميع الأوقات تستخدم GMT + ساعتين


قوانين المنتدى


رجاء من جميع الاعضاء الالتزام بالحد الاقصي للمواضيع الجديده وهي 3 مواضيع ولا يوجد حد اقصي للمشاركات
راجع هذا الموضوع لمزيد من التفاصيل http://stabraammonastery.com/sabraam/vi ... 33&t=23952



إرسال موضوع جديد الرد على الموضوع  [ مشاركة واحده ] 
الكاتب رسالة
 عنوان المشاركة: مشوارنا لسه طويل
مشاركةمرسل: الجمعة نوفمبر 23, 2012 7:59 pm 
غير متصل
عضو ذهـــبي
عضو ذهـــبي
اشترك في: الاثنين سبتمبر 11, 2006 4:20 pm
مشاركات: 18278
صورة

مشوارنا لسه طويل

بقلم أفرايم الانبا بيشوى


يارب ارحم وطن عليه الدموع بتسيل
والناس بتتخبط هنا وهناك شمال ويمين
الفقر والجهل والتعصب والمرض والآلم
تُكتب عليه اشعار وتتغنى عليه مووايل
وبدل ما الصعاب تجمعنا بقت تفرقنا،
وباسم الديمقراطيه بقينا نتقتل تقتيل
ولا رئيس نافع و لا مرؤوس عليه تعويل
ولا حكيم بنصغى لكلامه والعظيم بقى بيميل
يابلدى قلبى بينزف دم وبيبكى عليكى النيل
وثورتك عورة ومخطوفه ودم برئ بيسيل
عيونا مرفوعة وبتصلى احرس يارب وشيل
بلد التاريخ والحضارة سمعتها فى سواد النيل
نهارها مظلم وفيه صراع وليلها طويل، طويل
بقينا نتخبط واقتصادنا بينهار وكله بقى تمثيل
واللي يكفر التانى ويقول عليه دا بهلوان فى الليل
اللى فى ايده السلطة بقت سلطه وعايزه تتبيل
والقضاء بقى قدر وتاه منا النور والدليل
والتعليم تلقين وتخلفنا عن الامم فى الذيل
وبقينا بنرجع للوراء وبقينا بلد كله عليل
والمرض ينهش الكلى والقلوب وشفنا الويل
والفقر عجزنا وبنعانى ضنك ملهوش مثيل
مش بنعانى الجوع وعدم الامان وكفاية،
دا الوطن فى خطر وحيطة البيت بتقع وتميل
يا بلدى اصحى وفوقى وتخطى ظلام الليل
يا مسئول فوق ومتخليش حملك علينا ثقيل
ويا رجال البلد بتخرب ودى لازم نشيلها شيل
ادو العيش لخبازه والدستور ليه رجال قانون
مش كل من هب ودب بقى علينا خبير ودليل
وخلو القانون يسود مش غابه اسود ولا تمثيل
وارحمونا بقى او ترحلوا دا انتو هديتو الحيل
يا بلادى لمى اولادك دا مشوارنا لسه طويل
يا اهلى تعالوا الى كلمة سوا بلاش الفرقة والتأويل
نبنى الحضارة ونبقوا بين الامم منارة فى الليل
يا بلدى ضاعت سنين العمر وبقينا بدل ما نتقدم
نرجع سنين للوراء ولو مفقناش هنعانى الويل.

_________________
صورة

صورة


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ مشاركة واحده ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

الانتقال الى: